Burco(Xogsoor Media.Net):– ALLE ha u naxariistee Sideed qof ayaa ku eeriyooday laba qof oo kalena way ku dhaawacmeen Shil laba gaadhi oo isku dhacay deegaanka Yiroowe ee duleedka bari ee magaalada Burco.
kadib markii booyad iyo bas caasi ah oo ay leedahay Shirkadda Bixin isku dhaceen caawa.
Agaasimaha Cisbitaalka Guud ee Burco, Dr. Cabdi Suudi ayaa Wakaallada Wararka Somaliland ee SOLNA u xaqiijiyey khasaaraha ka dhashay shilkaas, waxaanu tilmaamay in la soo gaadhsiiyey meydka toddoba qof oo saddex dumar yihiin.
Agaasimaha Cisbitaalka Burco waxa uu intaas ku daray in saddex nin oo ku dhaawacmay shilkaas, in mid ka mid ahi uu geeriyooday sidaasna dhimashadu ay ku noqonayso 8 qof halka dhaawucuna uu yahay laba.
Siduu ku soo warramay Weriye ka tirsan Wakaallada Wararka ee SOLNA, waxa baabuurka booyada ahi uu ka tagey magaalada Burco, halka baska Shirkadda Bixin uu ka yimi gobollada bariga Somaliland.
Xigasho Solna
Xogsoor Media.Net
Hargesa Ofice